mash.huur

dariyā mash.hūr hai machhlī nazar meñ

buland āvāz mash.hūr hai ḳhāmoshī kī nazar meñ

jo jāntī hai

kisī ke kahne se pahle hī

use zamīn virāsat meñ milegī

ahāte meñ sotī huī billī mash.hūr hai

parindoñ kī nazar meñ

jo apne ghoñsloñ se us par nazar jamā.e hue haiñ

aañsū mash.hūr hai zarā sī der ke liye ruḳhsār kī nazar meñ

vo ḳhayāl jo tum ne siine se lagā kar rakkhā hai

mash.hūr hai siine kī nazar meñ

muḌī huī tasvīr mash.hūr hai

us kī nazar meñ jo use liye phirtā hai

aur us kī nazar meñ bilkul nahīñ

jo tasvīr meñ maujūd hai

maiñ mash.hūr honā chāhtī huuñ

ghisaTte hue logoñ kī nazar meñ

jo saḌkeñ paar karte hue muskurāte haiñ

saudā salf kī qatār meñ

ek dūsre se chimTe hue

bachchoñ kī nazar meñ

maiñ mash.hūr honā chāhtī huuñ is baat ke liye

ki maiñ un kī taraf javāban muskurātī huuñ

maiñ mash.hūr honā chāhtī huuñ

jaise charḳhī mash.hūr hai

jaise mash.hūr hai

button kā kaaj

is liye nahīñ ki us ne koī shāndār kaam kar dikhāyā

balki is liye ki vo kabhī nahīñ bhūlā

vo karnā jo vo kar saktā thā

dariya mashhur hai machhli nazar mein

buland aawaz mashhur hai KHamoshi ki nazar mein

jo jaanti hai

kisi ke kahne se pahle hi

use zamin wirasat mein milegi

ahate mein soti hui billi mashhur hai

parindon ki nazar mein

jo apne ghonslon se us par nazar jamae hue hain

aansu mashhur hai zara si der ke liye ruKHsar ki nazar mein

wo KHayal jo tum ne sine se laga kar rakkha hai

mashhur hai sine ki nazar mein

muDi hui taswir mashhur hai

us ki nazar mein jo use liye phirta hai

aur us ki nazar mein bilkul nahin

jo taswir mein maujud hai

main mashhur hona chahti hun

ghisaTte hue logon ki nazar mein

jo saDken par karte hue muskuraate hain

sauda salf ki qatar mein

ek dusre se chimTe hue

bachchon ki nazar mein

main mashhur hona chahti hun is baat ke liye

ki main un ki taraf jawaban muskuraati hun

main mashhur hona chahti hun

jaise charKHi mashhur hai

jaise mashhur hai

button ka kaj

is liye nahin ki us ne koi shandar kaam kar dikhaya

balki is liye ki wo kabhi nahin bhula

wo karna jo wo kar sakta tha