mor-pa.nkh

'ahd-e-tufūliyat meñ

maiñ ne mor-pañkh chhupāyā thā

apnī kitāb ke aurāq meñ

aur muntazir rahā

us kī niilī aulād kā

unfuvān-e-shabāb meñ

ek pur-josh ḳhvāb thā

jazbātī mohabbat se labrez āñkhoñ kā

ālam-e-shabāb meñ

bulāve the jangal ke

aur samundar meñ nahāne ke

aaj jab maiñ dekhtā huuñ

ye mor-pañkh yaad kartā huuñ

saḳht aziyyat meñ mubtalā niile gale kā āḳhirī giit

vo raqs jise ek tiir ne be-jān kar diyā thā

vo bādal jo kabhī barse nahīñ

vo dariyā jo ġhā.eb ho ga.e zer-e-zamīn

ek hamesha khulī rahne vaalī aañkh

jo sadā pareshān rakhtī hai

hamārī ehsān-farāmosh nasl ko

'ahd-e-tufuliyat mein

main ne mor-pankh chhupaya tha

apni kitab ke auraq mein

aur muntazir raha

us ki nili aulad ka

unfuwan-e-shabab mein

ek pur-josh KHwab tha

jazbaati mohabbat se labrez aankhon ka

aalam-e-shabab mein

bulawe the jangal ke

aur samundar mein nahane ke

aaj jab main dekhta hun

ye mor-pankh yaad karta hun

saKHt aziyyat mein mubtala nile gale ka aaKHiri git

wo raqs jise ek tir ne be-jaan kar diya tha

wo baadal jo kabhi barse nahin

wo dariya jo ghaeb ho gae zer-e-zamin

ek hamesha khuli rahne wali aankh

jo sada pareshan rakhti hai

hamari ehsan-faramosh nasl ko