raaste

jo bhī raste meñ hai

sab fanā kī taraf jā rahā hai

mire ġham-zada āñsuoñ qahqahoñ ko

amaañ tak nahīñ hai

har ik sang raste kā

bādal kī mānind uḌtā huā jā rahā hai

mirī samt aane kā koī bhī rasta nahīñ hai

mujhe DhūñDhnā itnā āsān nahīñ hai

vahī rāste jo na dushvār hoñ

vahī rāste jo ki hamvār hoñ

kab nishāñ merā batlā sakeñge

mire rāste saare vīrān haiñ

tang-o-dushvār haiñ

tumheñ to faqat aise rastoñ kā mā'lūm hai

jo nigāhoñ se dil se nikalte haiñ

lekin ye sab kuchh nahīñ hai

ka.ī rāste haiñ ki jin par kahīñ duur tak

jaane pahchāne qadmoñ ke koī nishāñ tak nahīñ haiñ

yahāñ vaqt-e-ruḳhsat batāne kī sā'at nahīñ

mujhe jānñe ke liye DhūñDne ke liye

daa.eñ baa.eñ kī samteñ koī rāste kā nishāñ

kuchh bhī kaafī nahīñ

yahāñ koī qutbī sitāra koī bādbāñ

kuchh bhī kaafī nahīñ hai

maiñ kisī samt se bhī na mil pā.ūñgā

mirī chashm-gīñ

duur uḌtī havāoñ kī zad meñ rahīñ

zamīñ kī tahoñ meñ

ka.ī duur kī choTiyoñ se

utartī huī chāñdnī kī shu'ā'eñ

raat siine pe ik bojh hai

tumheñ kab ḳhabar hai ki

din raat ke chaurahe meñ

hameñ kis taraf kaise muḌnā hai

lekin ye sab kuchh nahīñ hai

tumheñ kab ḳhabar hai

ki ye mā'raka jo ki kab se bapā hai

faqat dil ke maidān meñ hai

hameñ mā'rke ke harīfoñ kā

aur chhoTī jhaḌapoñ kā andāza kab hai

tumheñ kab ḳhabar hai

ki raste mirī samt jo aa rahe haiñ

vahī haiñ ki

jo terī jānib khule haiñ

mirā saarā sarmāya

āñkhoñ se terī nihāñ hai

tumheñ kab ḳhabar hai

mujhe zindagī ke ka.ī talḳh se jaam piine paḌe haiñ

mirī zindagī tak pahuñchnā

mire rāstoñ kā nishāñ DhūñDhnā itnā āsāñ nahīñ hai

zamān-o-makāñ kī kisī jihat meñ

qaid insāñ ko

kaise ḳhabar ho

yahāñ kī vahāñ kī

zamān-o-makāñ se vare

vaqt ke fāsloñ se bahut duur

us kal meñ jo Dūbte pāniyoñ meñ

nihāñ hai

vo fardā ki jis ko na jaane

kisī gard-ālūd mausam se aage bahut duur

kab jā ke aanā hai

sab kuchh nihāñ hai

mujhe jānñā itnā āsāñ nahīñ hai

mire uThte qadmoñ kā koī nishāñ tak nahīñ hai

jo bhi raste mein hai

sab fana ki taraf ja raha hai

mere gham-zada aansuon qahqahon ko

aman tak nahin hai

har ek sang raste ka

baadal ki manind uDta hua ja raha hai

meri samt aane ka koi bhi rasta nahin hai

mujhe DhunDhna itna aasan nahin hai

wahi raste jo na dushwar hon

wahi raste jo ki hamwar hon

kab nishan mera batla sakenge

mere raste sare viran hain

tang-o-dushwar hain

tumhein to faqat aise raston ka ma'lum hai

jo nigahon se dil se nikalte hain

lekin ye sab kuchh nahin hai

kai raste hain ki jin par kahin dur tak

jaane pahchane qadmon ke koi nishan tak nahin hain

yahan waqt-e-ruKHsat batane ki sa'at nahin

mujhe jaanne ke liye DhunDne ke liye

daen baen ki samten koi raste ka nishan

kuchh bhi kafi nahin

yahan koi qutbi sitara koi baadban

kuchh bhi kafi nahin hai

main kisi samt se bhi na mil paunga

meri chashm-gin

dur uDti hawaon ki zad mein rahin

zamin ki tahon mein

kai dur ki choTiyon se

utarti hui chandni ki shu'a'en

raat sine pe ek bojh hai

tumhein kab KHabar hai ki

din raat ke chaurahe mein

hamein kis taraf kaise muDna hai

lekin ye sab kuchh nahin hai

tumhein kab KHabar hai

ki ye ma'raka jo ki kab se bapa hai

faqat dil ke maidan mein hai

hamein ma'rke ke harifon ka

aur chhoTi jhaDapon ka andaza kab hai

tumhein kab KHabar hai

ki raste meri samt jo aa rahe hain

wahi hain ki

jo teri jaanib khule hain

mera sara sarmaya

aankhon se teri nihan hai

tumhein kab KHabar hai

mujhe zindagi ke kai talKH se jam pine paDe hain

meri zindagi tak pahunchna

mere raston ka nishan DhunDhna itna aasan nahin hai

zaman-o-makan ki kisi jihat mein

qaid insan ko

kaise KHabar ho

yahan ki wahan ki

zaman-o-makan se ware

waqt ke faslon se bahut dur

us kal mein jo Dubte paniyon mein

nihan hai

wo farda ki jis ko na jaane

kisi gard-alud mausam se aage bahut dur

kab ja ke aana hai

sab kuchh nihan hai

mujhe jaanna itna aasan nahin hai

mere uThte qadmon ka koi nishan tak nahin hai