safed raat

maiñ ne darvāze meñ taalā nahīñ lagāyā hai

na hī mom-battiyāñ jalā.ī haiñ

tumheñ kuchh ḳhabar nahīñ koī parvāh nahīñ

maiñ itnī thakī huī huuñ

ki mujh meñ tāqat nahīñ

bistar tak jaane kā faisla karne kī

ye dekhne kī ki khet

sanobar ke daraḳhtoñ par phaile

Dūbte sūraj ke añdhere meñ mā'dūm ho rahe haiñ

aur ye jānñe kī ki sab kuchh luT chukā hai

ki zindagī ek lā'nat-zada jahannum hai

rāhdārī se aa.ī tumhārī aahaT par

maiñ nashe meñ aa ga.ī huuñ

mujhe yaqīn thā tum lauT aaoge

main ne darwaze mein tala nahin lagaya hai

na hi mom-battiyan jalai hain

tumhein kuchh KHabar nahin koi parwah nahin

main itni thaki hui hun

ki mujh mein taqat nahin

bistar tak jaane ka faisla karne ki

ye dekhne ki ki khet

sanobar ke daraKHton par phaile

Dubte suraj ke andhere mein ma'dum ho rahe hain

aur ye jaanne ki ki sab kuchh luT chuka hai

ki zindagi ek la'nat-zada jahannum hai

rahdari se aai tumhaari aahaT par

main nashe mein aa gai hun

mujhe yaqin tha tum lauT aaoge