saaqiyaa uTh aur bhar de jaam ko

sāqiyā uTh aur bhar de jaam ko

ḳhaak meñ Daal ab ġham-e-ayyām ko

haath meñ de sāġhar-e-gulgūñ ki maiñ

noch pheñkūñ dalq-e-nīlī-fām ko

āqiloñ ke biich badnāmī sahī

kyā kareñge le ke nang-o-nām ko

baada lā tā duur ho bād-e-ġhurūr

ḳhaak kar duuñ nafs-e-nā-farjām ko

har kisī ko kyoñ batā.ūñ rāz-e-dil

jāntā huuñ ḳhuub ḳhās-o-'ām ko

ḳhush hai dil us yār-e-dil-ārām se

le gayā jo dil se chhīn ārām ko

sabr kar 'hāfiz' mileñ jo saḳhtiyāñ

ḳhair se pahuñchegā tū anjām ko

saqiya uTh aur bhar de jam ko

KHak mein Dal ab gham-e-ayyam ko

hath mein de saghar-e-gulgun ki main

noch phenkun dalq-e-nili-fam ko

aaqilon ke bich badnami sahi

kya karenge le ke nang-o-nam ko

baada la ta dur ho baad-e-ghurur

KHak kar dun nafs-e-na-farjam ko

har kisi ko kyon bataun raaz-e-dil

jaanta hun KHub KHas-o-'am ko

KHush hai dil us yar-e-dil-aram se

le gaya jo dil se chhin aaram ko

sabr kar 'hafiz' milen jo saKHtiyan

KHair se pahunchega tu anjam ko