shaa'ir kaa KHitaab shaa'irii se

jab maiñ ne tum se kuchh kahne ke liye kahā

tum gaane lagīñ

jab gaane ke liye kahā

tum chup rahīñ

jab maiñ ne muñh band rakhne ke liye kahā

tum chīḳh paḌīñ

maiñ to tang aa chukā

kyā fā.eda aise murīd kā

jo kabhī murshid kī hidāyat par nahīñ chaltā

ek martaba maiñ ne bhejā tumheñ paanī de kar

ek jāñ-balab shaḳhs ke liye

lekin tum ne

us ke qātil kā makān nazr-e-ātish kar diyā

jab maiñ ne tumheñ tulū'-e-sub.h kā naġhma gaane ke liye kahā

tum ne mujhe sirf matanabbe kiyā

aane vaalī nīm-shab se

maiñ ne tumheñ saḌkoñ par bhejā

inqalāb kī tablīġh ke liye

lekin tum bas daġhā ke shikār shahīdoñ kā nauha kartī rahīñ

alaihadgī pasandī ke ḳhayālāt aam karne ko kahā

to tum saḌkoñ par āvārgī meñ masrūf

mohabbat ke giit alāptī rahīñ

maiñ ne apne mahbūb ke paas

ek paiġhām de kar tumheñ bhejā

tum vahāñ se za.afrānī malbūs pahne lauT aa.ī

tum kis maañ kī janī ho

zamīn kī yā āsmān kī

aur kahāñ kisī aspatāl ke ward meñ

yā kisī naalī meñ paidā huī ho

kis ne tumheñ khilāyā pilāyā

havā ne yā sūraj ne

parvān chaḌhī tum kis chiiz par

gosha-nashīnī meñ yā tārīḳh par

kyā tum sach much merī shā'irī ho

kyā ye itnā sab kuchh hai mujh meñ

kaun huuñ maiñ

goyā huuñ yā vo jis ke baare meñ koī goyā hai

jaane do

lekin zarā batāo to

kal shab tum kis ke saath ham-bistar thī

kaun sī kahānī chhipī huī hai

jab main ne tum se kuchh kahne ke liye kaha

tum gane lagin

jab gane ke liye kaha

tum chup rahin

jab main ne munh band rakhne ke liye kaha

tum chiKH paDin

main to tang aa chuka

kya faeda aise murid ka

jo kabhi murshid ki hidayat par nahin chalta

ek martaba main ne bheja tumhein pani de kar

ek jaan-balab shaKHs ke liye

lekin tum ne

us ke qatil ka makan nazr-e-atish kar diya

jab main ne tumhein tulu'-e-subh ka naghma gane ke liye kaha

tum ne mujhe sirf matanabbe kiya

aane wali nim-shab se

main ne tumhein saDkon par bheja

inqalab ki tabligh ke liye

lekin tum bas dagha ke shikar shahidon ka nauha karti rahin

alaihadgi pasandi ke KHayalat aam karne ko kaha

to tum saDkon par aawargi mein masruf

mohabbat ke git alapti rahin

main ne apne mahbub ke pas

ek paigham de kar tumhein bheja

tum wahan se zafrani malbus pahne lauT aai

tum kis man ki jani ho

zamin ki ya aasman ki

aur kahan kisi aspatal ke ward mein

ya kisi nali mein paida hui ho

kis ne tumhein khilaya pilaya

hawa ne ya suraj ne

parwan chaDhi tum kis chiz par

gosha-nashini mein ya tariKH par

kya tum sach much meri sha'iri ho

kya ye itna sab kuchh hai mujh mein

kaun hun main

goya hun ya wo jis ke bare mein koi goya hai

jaane do

lekin zara batao to

kal shab tum kis ke sath ham-bistar thi

kaun si kahani chhipi hui hai