tanhaa.ii

mujh par itne patthar barsā.e ga.e haiñ

ki ab maiñ un ke ḳhauf se āzād huuñ

aur gaḌhā ek Thos mīnār ban chukā hai

buland mīnāroñ ke darmiyān buland

maiñ me'māroñ kā shukriya adā kartī huuñ

musībat aur ġham unheñ chhue baġhair guzar jaa.eñ

yahāñ se maiñ tulū'-e-āftāb kuchh pahle dekhtī huuñ

yahāñ sūraj kī āḳhirī shu'ā' ḳhushī manātī hai

aur aksar mere kamre kī khiḌkiyoñ se

shumālī samundarī kī havā.eñ andar aatī haiñ

aur ek fāḳhta mere haath par baiThī gandum ke daane chugtī hai

aur jahāñ tak mere nā-mukammal safhe kā ta'alluq hai

shā'irī kī devī kī salonī uñgliyāñ

rūhānī sukūñ aur nazākat ke saath

use mukammal kartī haiñ

mujh par itne patthar barsae gae hain

ki ab main un ke KHauf se aazad hun

aur gaDha ek Thos minar ban chuka hai

buland minaron ke darmiyan buland

main me'maron ka shukriya ada karti hun

musibat aur gham unhen chhue baghair guzar jaen

yahan se main tulu'-e-aftab kuchh pahle dekhti hun

yahan suraj ki aaKHiri shu'a' KHushi manati hai

aur aksar mere kamre ki khiDkiyon se

shumali samundari ki hawaen andar aati hain

aur ek faKHta mere hath par baiThi gandum ke dane chugti hai

aur jahan tak mere na-mukammal safhe ka ta'alluq hai

sha'iri ki dewi ki saloni ungliyan

ruhani sukun aur nazakat ke sath

use mukammal karti hain