te.iisvii.n saalgirah par

chhīn liiñ vaqt ne te.iis bahāreñ merī

aah is rahzan-e-'ayyār ne mujh ko luuTā

tez-gāmī se bahāreñ to huī haiñ ruḳhsat

shāḳh-e-hastī se magar ġhuncha na koī phūTā

kaun lā.egā yaqīñ dekh ke sūrat merī

kaun mānegā ki mujh par bhī bahār aa.ī hai

hosh kī aañkh bhī ab tak nahīñ khulne paa.ī

ye vo daulat hai jo aġhyār ne hī paa.ī hai

ḳhair jo kuchh bhī hai sab Thiik hai sab achchhā hai

is meñ muzmar hai koī raaz hameñ kyā mā'lūm

qalam-e-kātib-e-taqdīr ne jo likkhā hai

is meñ hikmat hai koī is kā hai gahrā mafhūm

jis bhī 'ālam meñ haiñ jis rang meñ bhī insāñ haiñ

ḳhāliq-e-kul kī nigāhoñ meñ to sab yaksāñ haiñ

chhin lin waqt ne teis bahaaren meri

aah is rahzan-e-'ayyar ne mujh ko luTa

tez-gami se bahaaren to hui hain ruKHsat

shaKH-e-hasti se magar ghuncha na koi phuTa

kaun laega yaqin dekh ke surat meri

kaun manega ki mujh par bhi bahaar aai hai

hosh ki aankh bhi ab tak nahin khulne pai

ye wo daulat hai jo aghyar ne hi pai hai

KHair jo kuchh bhi hai sab Thik hai sab achchha hai

is mein muzmar hai koi raaz hamein kya ma'lum

qalam-e-katib-e-taqdir ne jo likkha hai

is mein hikmat hai koi is ka hai gahra mafhum

jis bhi 'alam mein hain jis rang mein bhi insan hain

KHaliq-e-kul ki nigahon mein to sab yaksan hain