tuu kaisaa naadaa.n hai
tū kaisā nādāñ hai
jism apnā hī
tere kāñdhoñ pe baar hai ab
ki apne dar par hī tū savālī banā khaḌā hai
ye baar apnā usī ko de de
jise salīqa ho zindagī kā
yahī hai behtar ki pīchhe muḌ kar
kabhī na hasrat se dekhnā ho
havas to dushman hai raushnī kī
yahī charāġhoñ kī lau katartī hai
apnī sāñsoñ se jab bhī dekho
ye kaisā fāsid 'amal hai socho
tum apnī sauġhāt us se loge
haiñ ḳhūn-ālūd haath jis ke
ḳhulūs-o-ulfat se jo bhī miltā ho
sar jhukā kar qubūl kar lo
tu kaisa nadan hai
jism apna hi
tere kandhon pe bar hai ab
ki apne dar par hi tu sawali bana khaDa hai
ye bar apna usi ko de de
jise saliqa ho zindagi ka
yahi hai behtar ki pichhe muD kar
kabhi na hasrat se dekhna ho
hawas to dushman hai raushni ki
yahi charaghon ki lau katarti hai
apni sanson se jab bhi dekho
ye kaisa fasid 'amal hai socho
tum apni saughat us se loge
hain KHun-alud hath jis ke
KHulus-o-ulfat se jo bhi milta ho
sar jhuka kar qubul kar lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
