ye gahre saa.e barastaa saavan

ye gahre saa.e barastā sāvan

tumhāre qadmoñ kī rāzdārī

ki raat goyā utar rahī hai

nigāh-bānoñ se bach-bachā kar

ye aaj kī sub.h ne to jaise

haiñ band kar rakkhī apnī āñkheñ

ki bād-e-mashriq kī mustaqil dastakeñ bhī koī

javāb paatī nahīñ haiñ us kā

ye āsmāñ jo hamesha bedār hī rahā hai

dabīz sā us ke muñh pe ghūñghaT paḌā hai

na jangaloñ se sunā.ī detā hai koī naġhma

har ek ghar ke darīche darvāze band haiñ sab

ki ġhair-ābād rāstoñ par

tumhī akele safar pe nikle

bas ek tum hī ho dost mere

tumhī ho mahbūb sab se achchhe

tumhārī ḳhātir khule hue haiñ

tamām darvāze mere ghar ke

yahāñ se guzro na ḳhvāb ban kar

ye gahre sae barasta sawan

tumhaare qadmon ki raazdari

ki raat goya utar rahi hai

nigah-banon se bach-bacha kar

ye aaj ki subh ne to jaise

hain band kar rakkhi apni aankhen

ki baad-e-mashriq ki mustaqil dastaken bhi koi

jawab pati nahin hain us ka

ye aasman jo hamesha bedar hi raha hai

dabiz sa us ke munh pe ghunghaT paDa hai

na jangalon se sunai deta hai koi naghma

har ek ghar ke dariche darwaze band hain sab

ki ghair-abaad raston par

tumhi akele safar pe nikle

bas ek tum hi ho dost mere

tumhi ho mahbub sab se achchhe

tumhaari KHatir khule hue hain

tamam darwaze mere ghar ke

yahan se guzro na KHwab ban kar