dil meñ apne aarzū sab kuchh hai aur phir kuchh nahīñ

do jahāñ kī justujū sab kuchh hai aur phir kuchh nahīñ

dil mein apne aarzu sab kuchh hai aur phir kuchh nahin

do jahan ki justuju sab kuchh hai aur phir kuchh nahin

havā ke ghoḌe pe rahtā hai vo savār mudām

kisī kā us ke barābar faras nahīñ chaltā

hawa ke ghoDe pe rahta hai wo sawar mudam

kisi ka us ke barabar faras nahin chalta

guzishta saal jo dekhā vo ab kī saal nahīñ

zamāna ek sā bas har baras nahīñ chaltā

guzishta sal jo dekha wo ab ki sal nahin

zamana ek sa bas har baras nahin chalta

zarre kī tarah ḳhaak meñ pāmāl ho ga.e

vo jin kā āsmāñ pe sar-e-pur-ġhurūr thā

zarre ki tarah KHak mein pamal ho gae

wo jin ka aasman pe sar-e-pur-ghurur tha

ik nazar ne kiyā hai kaam tamām

aarzū bhī to thī yahī dil kī

ek nazar ne kiya hai kaam tamam

aarzu bhi to thi yahi dil ki