اردو ادب کی تاریخ میں ایسا بہت کم دیکھنے میں آیا ہے کہ کسی کی پانچ بہنیں ہوں اور سب کی سب اردو زبان و ادب کی بڑی عالمہ میں شمار ہوتی ہوں۔ شاہدہ زیدی، صابرہ زیدی، زاہدہ زیدی، ساجدہ زیدی اور خدیجہ عظیم انہیں بہنوں میں سے ہیں۔ ان سب کی والدہ بیگم مختار فاطمہ زیدی خود ایک شاعرہ تھیں اور اور اردو ادب کی عظیم خاتون صالحہ عابد حسین کی بہن تھیں، جن کا سلسلہ نسب خواجہ الطاف حسین حالی تک پہنچتا ہے۔

خدیجہ عظیم اپنی بہنوں میں سب سے چھوٹی اور مایہ ناز افسانہ نگار انور عظیم کی اہلیہ تھیں۔ انہیں اردو، انگریزی کے ساتھ ساتھ روسی زبان پر بھی گہری گرفت حاصل تھی۔ انہوں نے انور عظیم کے ساتھ ماسکو میں پانچ سال قیام کے دوران بہت سے روسی فن پاروں کو اردو میں منتقل کیا اور پھر وہاں سے واپس آنے کے بعد ساہتیہ اکادمی دہلی سے وابستہ ہو کر متعدد ترجمے کئے۔ ان کی شاہکار مترجم کتابوں میں لیو تالستاے کے مشہور زمانہ ناول "اننا کارنیا" اور ولادیمیر کرالنکو کی خود نوشت " نابینا موسیقار" کو پیش کیا جا سکتا ہے۔ اس کے علاوہ بھی انہوں نے متعدد کتابوں کے ترجمے کئے اور تنقیدی و تحقیقی مضامین لکھے۔

 ان کا انتقال جمعرات کی دوپہر بتاریخ 16 جنوری 2020 کو ہوا۔