ham to samjhe the hameñ pahchāntā koī nahīñ

apnī barbādī to ghar ghar kī kahānī ho ga.ī

hum to samjhe the hamein pahchanta koi nahin

apni barbaadi to ghar ghar ki kahani ho gai

jhiil ke Thahre hue paanī meñ patthar pheñk kar

dā.era uThtī huī lahroñ kā ham dekhā kiye

jhil ke Thahre hue pani mein patthar phenk kar

daera uThti hui lahron ka hum dekha kiye

jab bhī maiñ ne khol kar dekhī hai yādoñ kī kitāb

yūñhī safhoñ par taḌapte mil ga.e kuchh vāqi.āt

jab bhi main ne khol kar dekhi hai yaadon ki kitab

yunhi safhon par taDapte mil gae kuchh waqiat

kal na jaane shahr meñ kis baat kā jalsa huā

aaj saare shahr kā naqsha hai kuchh badlā huā

kal na jaane shahr mein kis baat ka jalsa hua

aaj sare shahr ka naqsha hai kuchh badla hua

har qadam ko soch kar rakhiyegā ab

hādisa hai raah meñ chaltā huā

har qadam ko soch kar rakhiyega ab

hadisa hai rah mein chalta hua