jis kā tujh sā habīb hovegā

kaun us kā raqīb hovegā

jis ka tujh sa habib howega

kaun us ka raqib howega

sar zaanū pe ho us ke aur jaan nikal jaa.e

marnā to musallam hai armān nikal jaa.e

sar zanu pe ho us ke aur jaan nikal jae

marna to musallam hai arman nikal jae

un se aur mujh se yahī shart-e-vafā Thahrī hai

vo sitam Dhā.eñ magar un ko sitam-gar na kahūñ

un se aur mujh se yahi shart-e-wafa Thahri hai

wo sitam Dhaen magar un ko sitam-gar na kahun

rusvā huā ḳharāb huā mubtalā huā

vo kaun sī ghaḌī thī ki tujh se judā huā

ruswa hua KHarab hua mubtala hua

wo kaun si ghaDi thi ki tujh se juda hua

ahl-e-imāñ 'soz' ko kahte haiñ kāfir ho gayā

aah yā rab rāz-e-dil in par bhī zāhir ho gayā

ahl-e-iman 'soz' ko kahte hain kafir ho gaya

aah ya rab raaz-e-dil in par bhi zahir ho gaya