merī āñkhoñ meñ utarne vaale

Duub jaanā tirī aadat to nahīñ

meri aankhon mein utarne wale

Dub jaana teri aadat to nahin

terī pahchān ke lākhoñ andāz

sar jhukānā hī ibādat to nahīñ

teri pahchan ke lakhon andaz

sar jhukana hi ibaadat to nahin

khul ke ro luuñ to zarā jī sambhle

muskurānā hī masarrat to nahīñ

khul ke ro lun to zara ji sambhle

muskurana hi masarrat to nahin

har samt sukūt boltā hai

ye kaun se jurm kī sazā hai

har samt sukut bolta hai

ye kaun se jurm ki saza hai

jahān-e-rañg-o-bū par miTne vaalo

ye duniyā mauj hai sāhil nahīñ hai

jahan-e-rang-o-bu par miTne walo

ye duniya mauj hai sahil nahin hai

nashāt-añgez naġhme kyā sunā.eñ

tabī.at is taraf maa.il nahīñ hai

nashat-angez naghme kya sunaen

tabiat is taraf mail nahin hai

sāhil to nazar aayā lekin tūfāñ meñ balā kī shiddat thī

maujoñ ko manāyā laakh magar ham jānib sāhil aa na sake

sahil to nazar aaya lekin tufan mein bala ki shiddat thi

maujon ko manaya lakh magar hum jaanib sahil aa na sake

kab ham ne gulistāñ chāhā thā kab ham ne bahāreñ māñgīñ thiiñ

ik gul kī tamannā thī ham ko vo bhī to chaman meñ pā na sake

kab hum ne gulistan chaha tha kab hum ne bahaaren mangin thin

ek gul ki tamanna thi hum ko wo bhi to chaman mein pa na sake