us ne apnā naam mere naam ke aage likhā

aur phir donoñ adhūre naam puure ho gaye

us ne apna nam mere nam ke aage likha

aur phir donon adhure nam pure ho gaye

musālahat se nikāleñge hal du'ā se nahīñ

hamārā mas.ala bandoñ se hai ḳhudā se nahīñ

musalahat se nikalenge hal du'a se nahin

hamara masala bandon se hai KHuda se nahin

udaas tum ho vahāñ par udaas ham haiñ yahāñ

kabhī milo to ikaTThe udaas rahte haiñ

udas tum ho wahan par udas hum hain yahan

kabhi milo to ikaTThe udas rahte hain

jiine vaale pe kyā guzartī hai

marne vaalā ye sochtā hī nahīñ

jine wale pe kya guzarti hai

marne wala ye sochta hi nahin

be-ḳhayālī meñ kahāñ terī galī meñ aa gayā

maiñ zarūrī kaam se niklā thā daftar kī taraf

be-KHayali mein kahan teri gali mein aa gaya

main zaruri kaam se nikla tha daftar ki taraf

bhuul jā.ūñ maiñ koī chiiz agar rakh ke kahīñ

yaad aatā hai koī yaad dilāne vaalā

bhul jaun main koi chiz agar rakh ke kahin

yaad aata hai koi yaad dilane wala

jab se vo dillī meñ rahne aayā hai 'sharjīl'

tab se saare dillī vaale achchhe lagte haiñ

jab se wo dilli mein rahne aaya hai 'sharjil'

tab se sare dilli wale achchhe lagte hain

pahchānte nahīñ ho agar Thiik se mujhe

ik baar aa ke dekh lo nazdīk se mujhe

pahchante nahin ho agar Thik se mujhe

ek bar aa ke dekh lo nazdik se mujhe

haa.e vo shaḳhs bhī ḳhāmosh khaḌā hai 'sharjīl'

jis kī āvāz kī 'ādat hai mire kānoñ ko

hae wo shaKHs bhi KHamosh khaDa hai 'sharjil'

jis ki aawaz ki 'adat hai mere kanon ko

ziyāda der kināre pe tum khaḌe na raho

tumhārī āñkhoñ meñ dariyā na Duub jaa.e kahīñ

ziyaada der kinare pe tum khaDe na raho

tumhaari aankhon mein dariya na Dub jae kahin

merī duniyā meñ agar rang nahīñ bhar saktā

mat banā phir mirī tasvīr banāne vaale

meri duniya mein agar rang nahin bhar sakta

mat bana phir meri taswir banane wale

vo dil banātā hai patthar pe itnī ḳhūbī se

phir us ke baa'd to patthar dhaḌakne lagtā hai

wo dil banata hai patthar pe itni KHubi se

phir us ke ba'd to patthar dhaDakne lagta hai

tumhārī bhī hifāzat ham kareñge

tumhāre phir ḳhudā hone kā matlab

tumhaari bhi hifazat hum karenge

tumhaare phir KHuda hone ka matlab

aatā hai ḳhauf is liye apnī uḌaan se

aage nikal na jā.ūñ kahīñ āsmān se

aata hai KHauf is liye apni uDan se

aage nikal na jaun kahin aasman se

kahnā paḌā labbaik ki vo terī sadā thī

varna tirī duniyā koī rahne kī jagah thī

kahna paDa labbaik ki wo teri sada thi

warna teri duniya koi rahne ki jagah thi

ḳhudā mahfūz rakkhe 'ishq ko āsāniyoñ se

junūñ kā kaam ab ahl-e-ḳhirad karne lage haiñ

KHuda mahfuz rakkhe 'ishq ko aasaniyon se

junun ka kaam ab ahl-e-KHirad karne lage hain

dasht ne qais se ka.ī din tak

merī vahshat kā tazkira kiyā thā

dasht ne qais se kai din tak

meri wahshat ka tazkira kiya tha

pahchānte nahīñ ho agar Thiik se mujhe

ik baar aa ke dekh lo nazdīk se mujhe

pahchante nahin ho agar Thik se mujhe

ek bar aa ke dekh lo nazdik se mujhe