pyaar kā jashn na.ī tarah manānā hogā

ġham kisī dil meñ sahī ġham ko miTānā hogā

kāñpte hoñToñ pe paimān-e-vafā kyā kahnā

tujh ko laa.ī hai kahāñ laġhzish-e-pā kyā kahnā

mere ghar meñ tire mukhḌe kī ziyā kyā kahnā

aaj har ghar kā diyā mujh ko jalānā hogā

ruuh chehroñ pe dhuāñ dekh ke sharmātī hai

jheñpī jheñpī sī mire lab pe hañsī aatī hai

tere milne kī ḳhushī dard banī jaatī hai

ham ko hañsnā hai to auroñ ko hañsānā hogā

soī soī huī ā.ankhoñ meñ chhalakte hue jaam

khoī khoī huī nazroñ meñ mohabbat kā payām

lab shīrīñ pe mirī tishna-labī kā in.aam

jaane in.aam milegā ki churānā hogā

merī gardan meñ tirī sandalī bāhoñ kā ye haar

abhī aañsū the in ā.ankhoñ meñ abhī itnā ḳhumār

maiñ na kahtā thā mire ghar meñ bhī aa.egī bahār

shart itnī thī ki pahle tujhe aanā hogā

pyar ka jashn nai tarah manana hoga

gham kisi dil mein sahi gham ko miTana hoga

kanpte honTon pe paiman-e-wafa kya kahna

tujh ko lai hai kahan laghzish-e-pa kya kahna

mere ghar mein tere mukhDe ki ziya kya kahna

aaj har ghar ka diya mujh ko jalana hoga

ruh chehron pe dhuan dekh ke sharmati hai

jhenpi jhenpi si mere lab pe hansi aati hai

tere milne ki KHushi dard bani jati hai

hum ko hansna hai to auron ko hansana hoga

soi soi hui aaankhon mein chhalakte hue jam

khoi khoi hui nazron mein mohabbat ka payam

lab shirin pe meri tishna-labi ka inam

jaane inam milega ki churana hoga

meri gardan mein teri sandali bahon ka ye haar

abhi aansu the in aaankhon mein abhi itna KHumar

main na kahta tha mere ghar mein bhi aaegi bahaar

shart itni thi ki pahle tujhe aana hoga