ik baar phir vatan meñ gayā jā ke aa gayā
laḳht-e-jigar ko ḳhaak meñ dafnā ke aa gayā
har ham-safar pe ḳhizr kā dhokā huā mujhe
āb-e-baqā kī raah se katrā ke aa gayā
hūr-e-lahad ne chhīn liyā tujh ko aur maiñ
apnā sā muñh liye hue sharmā ke aa gayā
dil le gayā mujhe tirī turbat pe baar baar
āvāz de ke baiTh ke uktā ke aa gayā
royā ki thā jahez tirā vājib-ul-adā
meñh motiyoñ kā qabr pe barsā ke aa gayā
merī bisāt kyā thī huzūr-e-razā-e-dost
tinkā sā ek sāmne dariyā ke aa gayā
ab ke bhī raas aa.ī na hubb-e-vatan 'hafīz'
ab ke bhī ek tīr-e-qazā khā ke aa gayā
ek bar phir watan mein gaya ja ke aa gaya
laKHt-e-jigar ko KHak mein dafna ke aa gaya
har ham-safar pe KHizr ka dhoka hua mujhe
aab-e-baqa ki rah se katra ke aa gaya
hur-e-lahad ne chhin liya tujh ko aur main
apna sa munh liye hue sharma ke aa gaya
dil le gaya mujhe teri turbat pe bar bar
aawaz de ke baiTh ke ukta ke aa gaya
roya ki tha jahez tera wajib-ul-ada
meinh motiyon ka qabr pe barsa ke aa gaya
meri bisat kya thi huzur-e-raza-e-dost
tinka sa ek samne dariya ke aa gaya
ab ke bhi ras aai na hubb-e-watan 'hafiz'
ab ke bhi ek tir-e-qaza kha ke aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
