ḳhud par kisī ko hañsne kā mauqa nahīñ diyā

pūchhā kisī ne haal to cigarette jalā liyā

KHud par kisi ko hansne ka mauqa nahin diya

puchha kisi ne haal to cigarette jala liya

ḳhushbū bikhernā mirī fitrat hai dosto

ḳhushbū bikhertā huuñ maiñ gul-dān chhoḌ kar

KHushbu bikherna meri fitrat hai dosto

KHushbu bikherta hun main gul-dan chhoD kar

nazar utārtī haiñ vaqt vaqt par merī

milī haiñ maaoñ ko bīnā.iyāñ ajīb-o-ġharīb

nazar utarti hain waqt waqt par meri

mili hain maon ko binaiyan ajib-o-gharib

purāne pattoñ ko jhaaḌ denā na.e-naveloñ ko raah denā

ḳhudā k bande agar ye kār-e-ḳhudā nahīñ hai to aur kyā hai

purane patton ko jhaD dena nae-nawelon ko rah dena

KHuda k bande agar ye kar-e-KHuda nahin hai to aur kya hai

sukūn kitnā thā jhoñpaḌī meñ

mahal meñ aa kar patā chalā hai

sukun kitna tha jhonpaDi mein

mahal mein aa kar pata chala hai