احساس

جنید نے بس اسٹاپ پر ایک لڑکے سے تین اخبارات مانگے۔

اگلے چوراہے پر ایک نوجوان سے چار گجرے لیے۔

اگلے موڑ پر ایک عورت سے کپڑے کے چھ پارچے خریدے۔

’’بلا ضرورت یہ سب چیزیں کیوں خرید رہے ہو؟‘‘

میں نے اعتراض کیا۔

جنید نے ایک ٹھنڈا سانس لیا۔

’’ایک شخص چوک میں ٹافیاں لے کر کھڑا رہتا تھا‘‘ اس نے کہا۔

’’میں روز دیکھتا تھا، کوئی اس سے ٹافیاں نہیں خریدتا تھا۔

میں احساس جرم کا شکار ہوں۔

ہر چوراہے سے کچھ نہ کچھ خرید لیتا ہوں۔‘‘