بیژن و منیژہ

بیژن اورمنیژہ ایران اورتوران کے دومشہورکردارہیں۔ یہ دونوں کردارایک جاں بازعاشق اورباوفا معشوق کی حیثیت سے مسلم ہیں۔ بیژن قدیم ایران کا ایک مشہوراوربہادرپہلوان تھا۔ یہ گیوکا بیٹا اور رستم کا بھانجا تھا۔

منیژہ توران کے بادشاہ افراسیاب کی بیٹی تھی۔ ایرانی پہلوان بیژن منیژہ پرعاشق ہوگیا، جب افراسیاب کو یہ بات معلوم ہوئی کہ اس کی بیٹی دشمن ملک کےایک پہلوان سے راہ ورسم رکھتی ہے تو اس نے بیژن کو گرفتارکر ایک تاریک اوراندھے کنویں میں قید کرا دیا اور کنویں کے منھ پرایک بھاری پتھر ڈلوادیا اوراپنی بیٹی منیژہ کو بھی گھرسے نکال دیا۔ وہ صبح سے شام تک بھیک مانگتی اور رات کو کنویں پر پہنچ کر بیژن کو روٹیاں کھلاتی۔ جب یہ بات رستم کو تک پہنچی اس نے بیژن کو آزاد کرانے کی کوشیشیں شروع کردیں اورتوران پہنچ کر افراسیاب کی قید سے اسے رہائ دلائی۔ بیژن اورمنیژہ ایران آگئے اورایک جان دو قالب بن کرزندگی گزارنے لگے۔ جس کنویں میں بیژن کو قید کیا گیا تھا وہ چاہ بیژن کی تلمیح کے طورپراستعمال ہوتا ہے ۔ مندرجہ شعر دیکھئے۔

آنکھ بھر دیکھےاسے گیو تو تیور جل جائیں

چاہ میں کانپ اٹھے اس کی چمک سے بیژن

انشا