Today's top 5 Urdu Shayari

sab ik charāġh ke parvāne honā chāhte haiñ

ajiib log haiñ dīvāne honā chāhte haiñ

sab ek charagh ke parwane hona chahte hain

ajib log hain diwane hona chahte hain

uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

qurbateñ hote hue bhī fāsloñ meñ qaid haiñ

kitnī āzādī se ham apnī hadoñ meñ qaid haiñ

qurbaten hote hue bhi faslon mein qaid hain

kitni aazadi se hum apni hadon mein qaid hain

sune jaate na the tum se mire din raat ke shikve

kafan sarkāo merī be-zabānī dekhte jaao

sune jate na the tum se mere din raat ke shikwe

kafan sarkao meri be-zabani dekhte jao

rone vaale tujhe rone kā salīqa hī nahīñ

ashk piine ke liye haiñ ki bahāne ke liye

rone wale tujhe rone ka saliqa hi nahin

ashk pine ke liye hain ki bahane ke liye