Today's top 5 Urdu Shayari

'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae

tark-e-ta.alluqāt pe royā na tū na maiñ

lekin ye kyā ki chain se soyā na tū na maiñ

tark-e-talluqat pe roya na tu na main

lekin ye kya ki chain se soya na tu na main

yā to jo nā-fahm haiñ vo bolte haiñ in dinoñ

yā jinheñ ḳhāmosh rahne kī sazā ma.alūm hai

ya to jo na-fahm hain wo bolte hain in dinon

ya jinhen KHamosh rahne ki saza malum hai

qadam mai-ḳhāna meñ rakhnā bhī kār-e-puḳhta-kārāñ hai

jo paimāna uThāte haiñ vo tharrāyā nahīñ karte

qadam mai-KHana mein rakhna bhi kar-e-puKHta-karan hai

jo paimana uThate hain wo tharraya nahin karte