Today's top 5 Urdu Shayari

ik roz chhīn legī hamīñ se zamīñ hameñ

chhīneñge kyā zamīñ ke ḳhazāne zamīñ se ham

ek roz chhin legi hamin se zamin hamein

chhinenge kya zamin ke KHazane zamin se hum

lafz o manzar meñ ma.ānī ko TaTolā na karo

hosh vaale ho to har baat ko samjhā na karo

lafz o manzar mein maani ko TaTola na karo

hosh wale ho to har baat ko samjha na karo

ulfat meñ barābar hai vafā ho ki jafā ho

har baat meñ lazzat hai agar dil meñ mazā ho

ulfat mein barabar hai wafa ho ki jafa ho

har baat mein lazzat hai agar dil mein maza ho

kaifiyyat-e-chashm us kī mujhe yaad hai 'saudā'

sāġhar ko mire haath se liijo ki chalā maiñ

kaifiyyat-e-chashm us ki mujhe yaad hai 'sauda'

saghar ko mere hath se lijo ki chala main

rañg ḳhushbū aur mausam kā bahānā ho gayā

apnī hī tasvīr meñ chehra purānā ho gayā

rang KHushbu aur mausam ka bahana ho gaya

apni hi taswir mein chehra purana ho gaya