Today's top 5 Urdu Shayari

ai sham.a tujh pe raat ye bhārī hai jis tarah

maiñ ne tamām umr guzārī hai is tarah

ai shama tujh pe raat ye bhaari hai jis tarah

main ne tamam umr guzari hai is tarah

auroñ kī burā.ī ko na dekhūñ vo nazar de

haañ apnī burā.ī ko parakhne kā hunar de

auron ki burai ko na dekhun wo nazar de

han apni burai ko parakhne ka hunar de

charāġh-e-rāhguzar laakh tābnāk sahī

jalā ke apnā diyā raushnī makān meñ lā

charagh-e-rahguzar lakh tabnak sahi

jala ke apna diya raushni makan mein la

aag kā kyā hai pal do pal meñ lagtī hai

bujhte bujhte ek zamānā lagtā hai

aag ka kya hai pal do pal mein lagti hai

bujhte bujhte ek zamana lagta hai

ek ik baat meñ sachchā.ī hai us kī lekin

apne va.adoñ se mukar jaane ko jī chāhtā hai

ek ek baat mein sachchai hai us ki lekin

apne wadon se mukar jaane ko ji chahta hai