aag kā kyā hai pal do pal meñ lagtī hai

bujhte bujhte ek zamānā lagtā hai

aag ka kya hai pal do pal mein lagti hai

bujhte bujhte ek zamana lagta hai

haa.e logoñ kī karam-farmā.iyāñ

tohmateñ badnāmiyāñ rusvā.iyāñ

hae logon ki karam-farmaiyan

tohmaten badnamiyan ruswaiyan

janāb-e-'kaif' ye dillī hai 'mīr' o 'ġhālib' kī

yahāñ kisī kī taraf-dāriyāñ nahīñ chaltīñ

janab-e-'kaif' ye dilli hai 'mir' o 'ghaalib' ki

yahan kisi ki taraf-dariyan nahin chaltin

tum se mil kar imlī mīThī lagtī hai

tum se bichhaḌ kar shahad bhī khārā lagtā hai

tum se mil kar imli miThi lagti hai

tum se bichhaD kar shahad bhi khaara lagta hai

zindagī shāyad isī kā naam hai

dūriyāñ majbūriyāñ tanhā.iyāñ

zindagi shayad isi ka nam hai

duriyan majburiyan tanhaiyan