Today's top 5 Urdu Shayari

vo chāñd hai to aks bhī paanī meñ aa.egā

kirdār ḳhud ubhar ke kahānī meñ aa.egā

wo chand hai to aks bhi pani mein aaega

kirdar KHud ubhar ke kahani mein aaega

tū kahānī hī ke parde meñ bhalī lagtī hai

zindagī terī haqīqat nahīñ dekhī jaatī

tu kahani hi ke parde mein bhali lagti hai

zindagi teri haqiqat nahin dekhi jati

na apne zabt ko rusvā karo satā ke mujhe

ḳhudā ke vāste dekho na muskurā ke mujhe

na apne zabt ko ruswa karo sata ke mujhe

KHuda ke waste dekho na muskura ke mujhe

surḳh-rū hotā hai insāñ Thokareñ khāne ke ba.ad

rañg laatī hai hinā patthar pe pis jaane ke ba.ad

surKH-ru hota hai insan Thokaren khane ke baad

rang lati hai hina patthar pe pis jaane ke baad

ye intizār nahīñ sham.a hai rifāqat kī

is intizār se tanhā.ī ḳhūb-sūrat hai

ye intizar nahin shama hai rifaqat ki

is intizar se tanhai KHub-surat hai