Today's top 5 Urdu Shayari

fāsle aise bhī hoñge ye kabhī sochā na thā

sāmne baiThā thā mere aur vo merā na thā

fasle aise bhi honge ye kabhi socha na tha

samne baiTha tha mere aur wo mera na tha

har galī kūche meñ rone kī sadā merī hai

shahr meñ jo bhī huā hai vo ḳhatā merī hai

har gali kuche mein rone ki sada meri hai

shahr mein jo bhi hua hai wo KHata meri hai

daaġh duniyā ne diye zaḳhm zamāne se mile

ham ko tohfe ye tumheñ dost banāne se mile

dagh duniya ne diye zaKHm zamane se mile

hum ko tohfe ye tumhein dost banane se mile

apnī anā kī aaj bhī taskīn ham ne kī

jī bhar ke us ke husn kī tauhīn ham ne kī

apni ana ki aaj bhi taskin hum ne ki

ji bhar ke us ke husn ki tauhin hum ne ki

gurez-pā hai nayā rāsta kidhar jaa.eñ

chalo ki lauT ke ham apne apne ghar jaa.eñ

gurez-pa hai naya rasta kidhar jaen

chalo ki lauT ke hum apne apne ghar jaen