Today's top 5 Urdu Shayari

aaj 'anjum' muskurā kar us ne phir dekhā mujhe

shikva-e-jaur-o-jafā phir bhuul jaanā hī paḌā

aaj 'anjum' muskura kar us ne phir dekha mujhe

shikwa-e-jaur-o-jafa phir bhul jaana hi paDa

maanā ki terī diid ke qābil nahīñ huuñ maiñ

tū merā shauq dekh mirā intizār dekh

mana ki teri did ke qabil nahin hun main

tu mera shauq dekh mera intizar dekh

dāman jhaTak ke vādī-e-ġham se guzar gayā

uTh uTh ke dekhtī rahī gard-e-safar mujhe

daman jhaTak ke wadi-e-gham se guzar gaya

uTh uTh ke dekhti rahi gard-e-safar mujhe

nahīñ aatī to yaad un kī mahīnoñ tak nahīñ aatī

magar jab yaad aate haiñ to aksar yaad aate haiñ

nahin aati to yaad un ki mahinon tak nahin aati

magar jab yaad aate hain to aksar yaad aate hain

dard se vāqif na the ġham se shanāsā.ī na thī

haa.e kyā din the tabī.at jab kahīñ aa.ī na thī

dard se waqif na the gham se shanasai na thi

hae kya din the tabiat jab kahin aai na thi