Today's top 5 Urdu Shayari

aks kis chiiz kā ā.īna-e-hairat meñ nahīñ

terī sūrat meñ hai kyā jo merī sūrat meñ nahīñ

aks kis chiz ka aaina-e-hairat mein nahin

teri surat mein hai kya jo meri surat mein nahin

ik raat vo gayā thā jahāñ baat rok ke

ab tak rukā huā huuñ vahīñ raat rok ke

ek raat wo gaya tha jahan baat rok ke

ab tak ruka hua hun wahin raat rok ke

ham se koī ta.alluq-e-ḳhātir to hai use

vo yaar bā-vafā na sahī bevafā to hai

hum se koi talluq-e-KHatir to hai use

wo yar ba-wafa na sahi bewafa to hai

burā na maan 'ziyā' us kī sāf-goī kā

jo dard-mand bhī hai aur be-adab bhī nahīñ

bura na man 'ziya' us ki saf-goi ka

jo dard-mand bhi hai aur be-adab bhi nahin

is ālam-e-vīrāñ meñ kyā anjuman-ārā.ī

do roz kī mahfil hai ik umr kī tanhā.ī

is aalam-e-viran mein kya anjuman-arai

do roz ki mahfil hai ek umr ki tanhai