Today's top 5 Urdu Shayari

hazār sham.a farozāñ ho raushnī ke liye

nazar nahīñ to añdherā hai aadmī ke liye

hazar shama farozan ho raushni ke liye

nazar nahin to andhera hai aadmi ke liye

had hai apnī taraf nahīñ maiñ bhī

aur un kī taraf ḳhudā.ī hai

had hai apni taraf nahin main bhi

aur un ki taraf KHudai hai

jahāñ rahegā vahīñ raushnī luTā.egā

kisī charāġh kā apnā makāñ nahīñ hotā

jahan rahega wahin raushni luTaega

kisi charagh ka apna makan nahin hota

har galī kūche meñ rone kī sadā merī hai

shahr meñ jo bhī huā hai vo ḳhatā merī hai

har gali kuche mein rone ki sada meri hai

shahr mein jo bhi hua hai wo KHata meri hai

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum