Today's top 5 Urdu Shayari

kahīñ zamīñ se ta.alluq na ḳhatm ho jaa.e

bahut na ḳhud ko havā meñ uchhāliye sāhib

kahin zamin se talluq na KHatm ho jae

bahut na KHud ko hawa mein uchhaaliye sahib

manzil pe bhī pahuñch ke mayassar nahīñ sakūñ

majbūr is qadar haiñ shu.ūr-e-safar se ham

manzil pe bhi pahunch ke mayassar nahin sakun

majbur is qadar hain shuur-e-safar se hum

bāhar bāhar sannāTā hai andar andar shor bahut

dil kī ghanī bastī meñ yaaro aan base haiñ chor bahut

bahar bahar sannaTa hai andar andar shor bahut

dil ki ghani basti mein yaro aan base hain chor bahut

mohabbat rañg de jaatī hai jab dil dil se miltā hai

magar mushkil to ye hai dil baḌī mushkil se miltā hai

mohabbat rang de jati hai jab dil dil se milta hai

magar mushkil to ye hai dil baDi mushkil se milta hai

kamar bāñdhe hue chalne ko yaañ sab yaar baiThe haiñ

bahut aage ga.e baaqī jo haiñ tayyār baiThe haiñ

kamar bandhe hue chalne ko yan sab yar baiThe hain

bahut aage gae baqi jo hain tayyar baiThe hain