Today's top 5 Urdu Shayari

kaun kahtā hai ki maut aa.ī to mar jā.ūñgā

maiñ to dariyā huuñ samundar meñ utar jā.ūñgā

kaun kahta hai ki maut aai to mar jaunga

main to dariya hun samundar mein utar jaunga

muḌ ke dekhā to hameñ chhoḌ ke jaatī thī hayāt

ham ne jaanā thā koī bojh girā hai sar se

muD ke dekha to hamein chhoD ke jati thi hayat

hum ne jaana tha koi bojh gira hai sar se

sab ik charāġh ke parvāne honā chāhte haiñ

ajiib log haiñ dīvāne honā chāhte haiñ

sab ek charagh ke parwane hona chahte hain

ajib log hain diwane hona chahte hain

unhīñ ke faiz se bāzār-e-aql raushan hai

jo gaah gaah junūñ iḳhtiyār karte rahe

unhin ke faiz se bazar-e-aql raushan hai

jo gah gah junun iKHtiyar karte rahe

maqām 'faiz' koī raah meñ jachā hī nahīñ

jo kū-e-yār se nikle to sū-e-dār chale

maqam 'faiz' koi rah mein jacha hi nahin

jo ku-e-yar se nikle to su-e-dar chale