Today's top 5 Urdu Shayari

maan mausam kā kahā chhā.ī ghaTā jaam uThā

aag se aag bujhā phuul khilā jaam uThā

man mausam ka kaha chhai ghaTa jam uTha

aag se aag bujha phul khila jam uTha

is badalte hue zamāne meñ

tere qisse bhī kuchh purāne lage

is badalte hue zamane mein

tere qisse bhi kuchh purane lage

'momin-miyāñ' ye kaam nahīñ hai ye ishq hai

kyā soch meñ paḌe ho karūñ yā karūñ nahīñ

'momin-miyan' ye kaam nahin hai ye ishq hai

kya soch mein paDe ho karun ya karun nahin

jāgte jāgte ik umr kaTī ho jaise

jaan baaqī hai magar saañs rukī ho jaise

jagte jagte ek umr kaTi ho jaise

jaan baqi hai magar sans ruki ho jaise

dil-e-āfat-zada kā mudda.ā kyā

shikasta saaz kyā us kī sadā kyā

dil-e-afat-zada ka muddaa kya

shikasta saz kya us ki sada kya