Today's top 5 Urdu Shayari

naaz ne phir kiyā āġhāz vo andāz-e-niyāz

husn-e-jāñ-soz ko phir soz kā da.avā hai vahī

naz ne phir kiya aaghaz wo andaz-e-niyaz

husn-e-jaan-soz ko phir soz ka dawa hai wahi

chand alfāz ke motī haiñ mire dāman meñ

hai magar terī mohabbat kā taqāzā kuchh aur

chand alfaz ke moti hain mere daman mein

hai magar teri mohabbat ka taqaza kuchh aur

jañgaloñ meñ ghūmte phirte haiñ shahroñ ke faqīh

kyā daraḳhtoñ se bhī chhin jā.egā aalam vajd kā

jangalon mein ghumte phirte hain shahron ke faqih

kya daraKHton se bhi chhin jaega aalam wajd ka

itnā bhī nā-umīd dil-e-kam-nazar na ho

mumkin nahīñ ki shām-e-alam kī sahar na ho

itna bhi na-umid dil-e-kam-nazar na ho

mumkin nahin ki sham-e-alam ki sahar na ho

mujhe ḳhushī ki giraftār maiñ huā terā

to shaad ho ki hai aisā shikār asiir mirā

mujhe KHushi ki giraftar main hua tera

to shad ho ki hai aisa shikar asir mera