Today's top 5 Urdu Shayari

zindagī par bhī koī zor nahīñ

dil ne har chiiz parā.ī dī hai

zindagi par bhi koi zor nahin

dil ne har chiz parai di hai

raat ga.e aksar dil ke vīrānoñ meñ

ik saa.e kā aanā jaanā hotā hai

raat gae aksar dil ke viranon mein

ek sae ka aana jaana hota hai

ishq meñ mārka-e-qalb-o-nazar kyā kahiye

choT lagtī hai kahīñ dard kahīñ hotā hai

ishq mein marka-e-qalb-o-nazar kya kahiye

choT lagti hai kahin dard kahin hota hai

hālāt kah rahe haiñ ki ab vo na ā.eñge

ummīd kah rahī hai zarā intizār kar

haalat kah rahe hain ki ab wo na aaenge

ummid kah rahi hai zara intizar kar

aise lamhe bhī guzāre haiñ tirī furqat meñ

jab tirī yaad bhī is dil pe girāñ guzrī hai

aise lamhe bhi guzare hain teri furqat mein

jab teri yaad bhi is dil pe giran guzri hai