Today's top 5 Urdu Shayari

donoñ jahān terī mohabbat meñ haar ke

vo jā rahā hai koī shab-e-ġham guzār ke

donon jahan teri mohabbat mein haar ke

wo ja raha hai koi shab-e-gham guzar ke

mohabbateñ to faqat intihā.eñ māñgtī haiñ

mohabbatoñ meñ bhalā e'tidāl kyā karnā

mohabbaten to faqat intihaen mangti hain

mohabbaton mein bhala e'tidal kya karna

kyā kahūñ kitnā fuzūñ hai tere dīvāne kā dukh

ik taraf jaane kā ġham hai ik taraf aane kā dukh

kya kahun kitna fuzun hai tere diwane ka dukh

ek taraf jaane ka gham hai ek taraf aane ka dukh

qaa.em hai ab bhī merī vafāoñ kā silsila

ik silsila hai un kī jafāoñ kā silsila

qaem hai ab bhi meri wafaon ka silsila

ek silsila hai un ki jafaon ka silsila

bahār-e-nau kī phir hai aamad aamad

chaman ujḌā koī phir ham-nafas kyā

bahaar-e-nau ki phir hai aamad aamad

chaman ujDa koi phir ham-nafas kya