Today's top 5 Urdu Shayari

ghaḌī ghaḌī na idhar dekhiye ki dil pe mujhe

hai iḳhtiyār par itnā bhī iḳhtiyār nahīñ

ghaDi ghaDi na idhar dekhiye ki dil pe mujhe

hai iKHtiyar par itna bhi iKHtiyar nahin

tumhārī yaad meñ duniyā ko huuñ bhulā.e hue

tumhāre dard ko siine se huuñ lagā.e hue

tumhaari yaad mein duniya ko hun bhulae hue

tumhaare dard ko sine se hun lagae hue

apne maazī kī justujū meñ bahār

piile patte talāsh kartī hai

apne mazi ki justuju mein bahaar

pile patte talash karti hai

har taraf thī ḳhāmoshī aur aisī ḳhāmoshī

raat apne saa.e se ham bhī Dar ke ro.e the

har taraf thi KHamoshi aur aisi KHamoshi

raat apne sae se hum bhi Dar ke roe the

kuchh na pūchho 'firāq' ahd-e-shabāb

raat hai niind hai kahānī hai

kuchh na puchho 'firaq' ahd-e-shabab

raat hai nind hai kahani hai