ٹاپ 5 اردو شاعری| ریختہ

کچی دیواریں صدا نوشی میں کتنی طاق تھیں

پتھروں میں چیخ کر دیکھا تو اندازا ہوا

جمنا پرشاد راہیؔ

نگاہ شوق اگر دل کی ترجماں ہو جائے

تو ذرہ ذرہ محبت کا راز داں ہو جائے

حیا لکھنوی

گھٹن سی ہونے لگی اس کے پاس جاتے ہوئے

میں خود سے روٹھ گیا ہوں اسے مناتے ہوئے

اظہر اقبال

روئے بغیر چارہ نہ رونے کی تاب ہے

کیا چیز اف یہ کیفیت اضطراب ہے

اختر انصاری

اپنی خوشی سے مجھے تیری خوشی تھی عزیز

تو بھی مگر جانے کیوں مجھ سے خفا ہو گیا

اشفاق عامر

آج کے منتخب ۵ شعر