Today's top 5 Urdu Shayari

kal sāmne manzil thī pīchhe mirī āvāzeñ

chaltā to bichhaḌ jaatā ruktā to safar jaatā

kal samne manzil thi pichhe meri aawazen

chalta to bichhaD jata rukta to safar jata

maiñ ek se kisī mausam meñ rah nahīñ saktā

kabhī visāl kabhī hijr se rihā.ī de

main ek se kisi mausam mein rah nahin sakta

kabhi visal kabhi hijr se rihai de

usī maqām pe kal mujh ko dekh kar tanhā

bahut udaas hue phuul bechne vaale

usi maqam pe kal mujh ko dekh kar tanha

bahut udas hue phul bechne wale

andar kī duniyā se rabt baḌhāo 'ānis'

bāhar khulne vaalī khiḌkī band paḌī hai

andar ki duniya se rabt baDhao 'anis'

bahar khulne wali khiDki band paDi hai

ye shahr hai anjān kahāñ raat guzārūñ

hai jān-na-pahchān kahāñ raat guzārūñ

ye shahr hai anjaan kahan raat guzarun

hai jaan-na-pahchan kahan raat guzarun