Today's top 5 Urdu Shayari

vo tamāshā huuñ hazāroñ mire ā.īne haiñ

ek ā.īne se mushkil hai ayaañ ho jā.ūñ

wo tamasha hun hazaron mere aaine hain

ek aaine se mushkil hai ayan ho jaun

hamārā daur añdheroñ kā daur hai lekin

hamāre daur kī muTThī meñ āftāb bhī hai

hamara daur andheron ka daur hai lekin

hamare daur ki muTThi mein aaftab bhi hai

jaane kaisā rishta hai rahguzar kā qadmoñ se

thak ke baiTh jā.ūñ to rāsta bulātā hai

jaane kaisa rishta hai rahguzar ka qadmon se

thak ke baiTh jaun to rasta bulata hai

mīThī bāteñ, kabhī talḳh lahje ke tiir

dil pe har din hai un kā karam bhī nayā

miThi baaten, kabhi talKH lahje ke tir

dil pe har din hai un ka karam bhi naya

āḳhir ko ruuh toḌ hī degī hisār-e-jism

kab tak asiir ḳhushbū rahegī gulāb meñ

aaKHir ko ruh toD hi degi hisar-e-jism

kab tak asir KHushbu rahegi gulab mein