Today's top 5 Urdu Shayari

adhūrī chhoḌ ke tasvīr mar gayā vo 'zeb'

koī bhī rañg mayassar na thā lahū ke sivā

adhuri chhoD ke taswir mar gaya wo 'zeb'

koi bhi rang mayassar na tha lahu ke siwa

andar kā zahr-nāk añdherā hī thā bahut

sar par tulī khaḌī hai shab-e-tār kis liye

andar ka zahr-nak andhera hi tha bahut

sar par tuli khaDi hai shab-e-tar kis liye

merī ġhazal ko merī jaañ faqat ġhazal na samajh

ik aa.ina hai jo har dam tire muqābil hai

meri ghazal ko meri jaan faqat ghazal na samajh

ek aaina hai jo har dam tere muqabil hai

shabnamī qatre gul-e-lāla pe the raqs-kunāñ

barf ke TukḌe bhī dekhe ga.e añgāroñ meñ

shabnami qatre gul-e-lala pe the raqs-kunan

barf ke TukDe bhi dekhe gae angaron mein

vāqif haiñ ḳhuub aap ke tarz-e-jafā se ham

iz.hār-e-iltifāt kī zahmat na kījiye

waqif hain KHub aap ke tarz-e-jafa se hum

izhaar-e-iltifat ki zahmat na kijiye