Today's top 5 Urdu Shayari

dīdanī hai tire itaab kā rañg

shīsha-e-chashm meñ sharāb kā rañg

didani hai tere itab ka rang

shisha-e-chashm mein sharab ka rang

samjhā hai haq ko apne hī jānib har ek shaḳhs

ye chāñd us ke saath chalā jo jidhar gayā

samjha hai haq ko apne hi jaanib har ek shaKHs

ye chand us ke sath chala jo jidhar gaya

hai fahm us kā jo har insān ke dil kī zabāñ samjhe

suḳhan vo hai jise har shaḳhs apnā hī bayāñ samjhe

hai fahm us ka jo har insan ke dil ki zaban samjhe

suKHan wo hai jise har shaKHs apna hi bayan samjhe

hamārī muskurāhaT par na jaanā

diyā to qabr par bhī jal rahā hai

hamari muskurahaT par na jaana

diya to qabr par bhi jal raha hai

maiñ āḳhir aadmī huuñ koī laġhzish ho hī jaatī hai

magar ik vasf hai mujh meñ dil-āzārī nahīñ kartā

main aaKHir aadmi hun koi laghzish ho hi jati hai

magar ek wasf hai mujh mein dil-azari nahin karta