Today's top 5 Urdu Shayari

āñdhī chalī to naqsh-e-kaf-e-pā nahīñ milā

dil jis se mil gayā vo dobārā nahīñ milā

aandhi chali to naqsh-e-kaf-e-pa nahin mila

dil jis se mil gaya wo dobara nahin mila

yādoñ kī rail aur kahīñ jā rahī thī phir

zanjīr khīñch kar hī utarnā paḌā mujhe

yaadon ki rail aur kahin ja rahi thi phir

zanjir khinch kar hi utarna paDa mujhe

tū kahānī hī ke parde meñ bhalī lagtī hai

zindagī terī haqīqat nahīñ dekhī jaatī

tu kahani hi ke parde mein bhali lagti hai

zindagi teri haqiqat nahin dekhi jati

duā.eñ yaad karā dī ga.ī thiiñ bachpan meñ

so zaḳhm khāte rahe aur duā diye ga.e ham

duaen yaad kara di gai thin bachpan mein

so zaKHm khate rahe aur dua diye gae hum

pūchh rahe haiñ mujh se peḌoñ ke saudāgar

āb-o-havā kaise zahrīlī ho jaatī hai

puchh rahe hain mujh se peDon ke saudagar

aab-o-hawa kaise zahrili ho jati hai