Today's top 5 Urdu Shayari

dīvāroñ se mil kar ronā achchhā lagtā hai

ham bhī pāgal ho jā.eñge aisā lagtā hai

diwaron se mil kar rona achchha lagta hai

hum bhi pagal ho jaenge aisa lagta hai

ham us kī zulf kī zanjīr meñ hue haiñ asiir

sajan ke sar kī balā aa paḌī hamāre gale

hum us ki zulf ki zanjir mein hue hain asir

sajan ke sar ki bala aa paDi hamare gale

gulshan kī faqat phūloñ se nahīñ kāñToñ se bhī zīnat hotī hai

jiine ke liye is duniyā meñ ġham kī bhī zarūrat hotī hai

gulshan ki faqat phulon se nahin kanTon se bhi zinat hoti hai

jine ke liye is duniya mein gham ki bhi zarurat hoti hai

jab nigāhoñ ke ishārāt badal jaate haiñ

ḳhud-ba-ḳhud pyaar ke jazbāt badal jaate haiñ

jab nigahon ke ishaaraat badal jate hain

KHud-ba-KHud pyar ke jazbaat badal jate hain

aaj tak jo bhī huā us ko bhulā denā hai

aaj se tai hai ki dushman ko duā denā hai

aaj tak jo bhi hua us ko bhula dena hai

aaj se tai hai ki dushman ko dua dena hai