Today's top 5 Urdu Shayari

kyā ġhaur se ai jān-e-jahāñ dekh rahe ho

tum sā koī ā.īne ke andar to nahīñ hai

kya ghaur se ai jaan-e-jahan dekh rahe ho

tum sa koi aaine ke andar to nahin hai

dekhā hai kis nigāh se tū ne sitam-zarīf

mahsūs ho rahā hai maiñ ġharq-e-sharāb huuñ

dekha hai kis nigah se tu ne sitam-zarif

mahsus ho raha hai main gharq-e-sharab hun

apne atvār meñ kitnā baḌā shātir hogā

zindagī tujh se kabhī jis ne shikāyat nahīñ kī

apne atwar mein kitna baDa shatir hoga

zindagi tujh se kabhi jis ne shikayat nahin ki

maiñ bistar-e-ḳhayāl pe leTā huuñ us ke paas

sub.h-e-azal se koī taqāzā kiye baġhair

main bistar-e-KHayal pe leTa hun us ke pas

subh-e-azal se koi taqaza kiye baghair

vo aks ban ke mirī chashm-e-tar meñ rahtā hai

ajiib shaḳhs hai paanī ke ghar meñ rahtā hai

wo aks ban ke meri chashm-e-tar mein rahta hai

ajib shaKHs hai pani ke ghar mein rahta hai