Today's top 5 Urdu Shayari

umr bhar rahnā hai ta.abīr se gar duur tumheñ

phir mire ḳhvāb meñ aane kī zarūrat kyā hai

umr bhar rahna hai tabir se gar dur tumhein

phir mere KHwab mein aane ki zarurat kya hai

luT ga.e ek hī añgḌā.ī meñ aisā bhī huā

umr-bhar phirte rahe ban ke jo hoshiyār bahut

luT gae ek hi angDai mein aisa bhi hua

umr-bhar phirte rahe ban ke jo hoshiyar bahut

ek siitā kī rifāqat hai to sab kuchh paas hai

zindagī kahte haiñ jis ko raam kā ban-bās hai

ek sita ki rifaqat hai to sab kuchh pas hai

zindagi kahte hain jis ko ram ka ban-bas hai

isī falak se utartā hai ye añdherā bhī

ye raushnī bhī isī āsmāñ se aatī hai

isi falak se utarta hai ye andhera bhi

ye raushni bhi isi aasman se aati hai

vo palaT ke jald na ā.eñge ye ayaañ hai tarz-e-ḳhirām se

koī gardish aisī bhī ai falak jo bulā de sub.h ko shaam se

wo palaT ke jald na aaenge ye ayan hai tarz-e-KHiram se

koi gardish aisi bhi ai falak jo bula de subh ko sham se