ٹاپ 5 اردو شاعری| ریختہ

عمر بھر رہنا ہے تعبیر سے گر دور تمہیں

پھر مرے خواب میں آنے کی ضرورت کیا ہے

ندیم گلانی

لٹ گئے ایک ہی انگڑائی میں ایسا بھی ہوا

عمر بھر پھرتے رہے بن کے جو ہشیار بہت

قیس رامپوری

ایک سیتا کی رفاقت ہے تو سب کچھ پاس ہے

زندگی کہتے ہیں جس کو رام کا بن باس ہے

حفیظ بنارسی

اسی فلک سے اترتا ہے یہ اندھیرا بھی

یہ روشنی بھی اسی آسماں سے آتی ہے

عبید اللہ صدیقی

وہ پلٹ کے جلد نہ آئیں گے یہ عیاں ہے طرز خرام سے

کوئی گردش ایسی بھی اے فلک جو بلا دے صبح کو شام سے

آرزو لکھنوی

آج کے منتخب ۵ شعر