Today's top 5 Urdu Shayari

dard kī dhuup meñ sahrā kī tarah saath rahe

shaam aa.ī to lipaT kar hameñ dīvār kiyā

dard ki dhup mein sahra ki tarah sath rahe

sham aai to lipaT kar hamein diwar kiya

chashm-poshoñ se rahūñ 'shād' maiñ kyā ā.īna-dār

muñh pe kaanā nahīñ kahtā hai koī kaane ko

chashm-poshon se rahun 'shad' main kya aaina-dar

munh pe kana nahin kahta hai koi kane ko

yahī milne kā samay bhī hai bichhaḌne kā bhī

mujh ko lagtā hai bahut apne se Dar shaam ke baad

yahi milne ka samay bhi hai bichhaDne ka bhi

mujh ko lagta hai bahut apne se Dar sham ke baad

palkoñ ke sitāre bhī uḌā le ga.ī 'anvar'

vo dard kī āñdhī kī sar-e-shām chalī thī

palkon ke sitare bhi uDa le gai 'anwar'

wo dard ki aandhi ki sar-e-sham chali thi

sun chuke jab haal merā le ke añgḌā.ī kahā

kis ġhazab kā dard zālim tere afsāne meñ thā

sun chuke jab haal mera le ke angDai kaha

kis ghazab ka dard zalim tere afsane mein tha