Today's top 5 Urdu Shayari

ek muddat se mirī maañ nahīñ soī 'tābish'

maiñ ne ik baar kahā thā mujhe Dar lagtā hai

ek muddat se meri man nahin soi 'tabish'

main ne ek bar kaha tha mujhe Dar lagta hai

mujh sā koī jahān meñ nādān bhī na ho

kar ke jo ishq kahtā hai nuqsān bhī na ho

mujh sa koi jahan mein nadan bhi na ho

kar ke jo ishq kahta hai nuqsan bhi na ho

karnā hī paḌegā zabt-e-alam piine hī paḌeñge ye aañsū

fariyād-o-fuġhāñ se ai nādāñ tauhīn-e-mohabbat hotī hai

karna hi paDega zabt-e-alam pine hi paDenge ye aansu

fariyaad-o-fughan se ai nadan tauhin-e-mohabbat hoti hai

tirā yaqīn huuñ maiñ kab se is gumān meñ thā

maiñ zindagī ke baḌe saḳht imtihān meñ thā

tera yaqin hun main kab se is guman mein tha

main zindagi ke baDe saKHt imtihan mein tha

pūjtā huuñ kabhī but ko kabhī paḌhtā huuñ namāz

merā maz.hab koī hindū na musalmāñ samjhā

pujta hun kabhi but ko kabhi paDhta hun namaz

mera mazhab koi hindu na musalman samjha